વાઘ બારસને ગૌવત્સ દ્વાદશી પણ કહેવાય છે. આ દિવસે ગાયને માતાનું સ્થાન આપીને તેની પૂજા કરવામાં આવે છે અને નવા વર્ષની શરૂઆત માનવામાં આવે છે.
આ આર્ટીકલમાં અમે સરસ મજાનો વાઘ બારસ વિશે ગુજરાતી નિબંધ રજુ કર્યો છે અને છેલ્લે Vagh Baras Nibandh ની PDF પણ Download કરી શકશો.
વાઘ બારસ વિષય પર ગુજરાતી નિબંધ
નીચે આપેલ વાઘ બારસ વિશે નિબંધ ગુજરાતીમાં 300 શબ્દોમાં છે જે ધોરણ 6 થી 12 માટે ઉપયોગી થશે.
વાઘ બારસ
ભારતીય સંસ્કૃતિમાં તહેવારોનો અતૂટ મહિમા છે, જેમાં દિવાળીના પાંચ દિવસોનું વિશેષ મહત્વ છે. આ પંચપર્વની શરૂઆત આસો વદ બારસ એટલે કે વાઘ બારસ થી થાય છે. આ દિવસને 'ગોવત્સ દ્વાદશી' અથવા 'ગુરુ દ્વાદશી' તરીકે પણ ઓળખવામાં આવે છે.
'વાઘ બારસ' શબ્દમાં 'વાઘ'નો અર્થ જંગલી પ્રાણી વાઘ નથી, પરંતુ તે 'વાક' (વાણી) પરથી ઉતરી આવ્યો છે. આ દિવસે સરસ્વતી માતાની પૂજા કરીને વાણીની શુદ્ધિ માટે પ્રાર્થના કરવામાં આવે છે. આ ઉપરાંત, આર્થિક દ્રષ્ટિએ વેપારીઓ આ દિવસે પોતાનું જૂનું દેવું (ઋણ) ચૂકવીને હિસાબના ચોપડા ચોખ્ખા કરે છે, તેથી તેને 'વાક બારસ' પણ કહેવાય છે.વાઘ બારસના દિવસે મુખ્યત્વે ગાય અને વાછરડાની પૂજા કરવામાં આવે છે. હિન્દુ ધર્મમાં ગાયને 'માતા' માનવામાં આવે છે અને તેમાં ૩૩ કરોડ દેવતાઓનો વાસ હોવાનું મનાય છે. લોકો આ દિવસે ગાય અને વાછરડાને સ્નાન કરાવી, શણગારીને તેમની આરતી ઉતારે છે. ગાયને બાજરીના રોટલા, ઘાસ અથવા અડદની દાળની વાનગીઓ ખવડાવવામાં આવે છે. આ પૂજા પાછળનો મુખ્ય ઉદ્દેશ્ય પશુધન પ્રત્યે કૃતજ્ઞતા વ્યક્ત કરવાનો છે.
ગુજરાતના ગ્રામ્ય વિસ્તારો અને આદિવાસી સંસ્કૃતિમાં આ દિવસનું અનોખું મહત્વ છે. આદિવાસી બિરાદરો વાઘને 'વનદેવતા' માનીને તેની પૂજા કરે છે જેથી જંગલી જાનવરો તેમના પશુધનને નુકસાન ન પહોંચાડે.
આ દિવસે ઘણા લોકો એકટાણું કરે છે. એક વિશેષ પરંપરા મુજબ, આ દિવસે ગાયના દૂધ કે તેમાંથી બનેલી વસ્તુઓ (દહીં, ઘી) ખાવાનું ટાળવામાં આવે છે, જેથી વાછરડાને માતાનું પૂરતું દૂધ મળી રહે. આ પ્રથા જીવદયા અને ત્યાગની ભાવના દર્શાવે છે.
વાઘ બારસ એ માત્ર ધાર્મિક વિધિ નથી, પણ પ્રકૃતિ, પ્રાણીઓ અને મનુષ્ય વચ્ચેના અતૂટ સંબંધનું પ્રતીક છે. આ દિવસથી જ ઘરોમાં આંગણે દીવા પ્રગટાવવાની અને રંગોળી પૂરવાની શરૂઆત થાય છે, જે સમગ્ર વાતાવરણને ઉત્સાહ અને ભક્તિથી ભરી દે છે.
નોધ: આ નિબંધ માત્ર એક ઉદાહરણ છે. તમે તમારી પોતાની કલ્પના અને શબ્દોનો ઉપયોગ કરીને એક અનોખો અને અર્થપૂર્ણ નિબંધ લખી શકો છો.
વાઘ બારસ નિબંધ ગુજરાતી PDF Download :
અહીં નીચે બટન પર ક્લિક કરી Vagh Baras Nibandh in Gujarati ની ફ્રી pdf Download કરી શકો છો.
વાઘ બારસ નિબંધ ગુજરાતી વિડીયો :
અહીં નીચે બટન પર ક્લિક કરી ગુજરાતી વાઘ બારસ નિબંધ નો વિડીઓ જોઈ શકો છો.
Conclusion :
અમે આ બ્લોગ પોસ્ટ આર્ટિકલમાં ગુજરાતીમાં વાઘ બારસ વિશે નિબંધ એટલે કે Vagh Baras Essay in Gujarati વિશે સંપૂર્ણ માહિતી આપવાનો પ્રયત્ન કર્યો છે. છતાં કોઈ સૂચન કે ભલામણ હોય તો તમે નીચે કોમેન્ટ બોક્સ માં મેસેજ કરી શકો છો.
આવી રીતે જોડાયેલા રહો અમારી સાથે અને સાથ સહકાર આપતા રહો એ બદલ ખુબ ખુબ આભાર. Thank You!